Oc:OpenstreetMap-oc

En que bòn OpenStreetMap en occitan ?

OpenStreetMap-oc es naissut de la volontat de la Comission Toponimica Occitana de l’Institut d'Estudis Occitans que la comunautat occitanofòna dispause d'una cartografia en occitan, disponibla per leis aisinas modèrnas e accessibla en totei : ordifòns, ordinators, emai cartas papier. Lo projècte foguèt emprincipiat en 2007.

Autanben postula la restitucion dei formas autenticas dei toponims aliberada dei trecimassis de la francizacion, italianizacion ò castelhanizacion.

S'adreiça en totei : escolars, collectivitats, entrepresas, toristas, associacions, eca. La mapa es la prefiguracion virtuala de projèctes de senhaletica sus lo terren. N'en representa la premiera etapa de socializacion e d'escambis.

Recampa tot aquelei que vòlon collaborar a la sasida, a la mantenença e l'esplecha dau patrimòni toponimic comun e l'emplec de ponchs d'interès gràcia a la basa de donadas OpenStreetMap.

Projèctes e aisinas

A l'ora d'ara (octòbre 2022), leis aisinas seguentas son disponiblas ò en cors de realisacion :

• un site consagrat a la cartografia en occitan OpenstreetMap-oc : http://openstreetmap-oc.org;
• una mapa en lenga occitana que presenta lei toponims restituits sus la basa dei formas istoricas e lei ponchs d'interès;
• un Multi GPS explorator de mapa sus la basa OsmAnd liat a la Wikipedia occitana. (I trobaretz un rendut complet a la mesura dei contribucions naturalament)
• une API exploitant les données ouvertes de la base BdTopoc de l’Institut d’Études Occitanes (IÉO) est en cours de réalisation ;
• de referenciaus :
  • Lei Règlas d'escritura de la mencion que tot contributor OSM en lenga occitana a de conóisser.
  • Lei principis de basa de la sasida : lei dos atributs de l'etiqueta : name:oc=* et source:name:oc=* ;
  • De Lexics de cartografia : http://openstreetmap-oc.org/outils/
  • La Terminologia cartographica en usatge sur OSM, qu'ajuda força la senhaletica.
  • D'aisinas de cartografia tematicas per lei contributors que començan gràcia a MapContrib : quartiers, vias e camins, transpòrts publics...

Retrobem-se...